အကျဉ်းသား၊ အကျဉ်းသူ ၄၈၉၃ ကို စစ်ကောင်စီ လွတ်ငြိမ်းချမ်းသာခွင့်ပေး
- BVJ
- Apr 24
- 1 min read
BVJ_ဧပြီ ၁၇ ၊ ၂၀၂၅
မြန်မာနိုင်ငံတစ်ဝန်း အကျဉ်းထောင်အသီးသီးမှာရှိနေတဲ့ အကျဉ်းသား၊ အကျဉ်းသူ ၄၈၉၃ ဦးနဲ့ နိုင်ငံခြားသား/သူ ၁၃ ဦးတို့ကို ဒီနေ့ မြန်မာနှစ်သစ်ကူး ၁ ရက်၊ ဧပြီ ၁၇ ရက်မှာ လွတ်ငြိမ်းချမ်းသာခွင့်ပေးလိုက်ကြောင်း စစ်ကောင်စီက ထုတ်ပြန်လာပါတယ်။
စစ်ကောင်စီထုတ်ပြန်တဲ့ လွတ်ငြိမ်းချမ်းသာခွင့် ၄၈၉၃ ဦးထဲတွင် နိုင်ငံရေးအကျဉ်းသားပါဝင်မှု ရှိ၊ မရှိကို မသိရသေးပါဘူး။
အခု စစ်ကောင်စီ လွှတ်ပေးတဲ့ အကျဉ်းသားတွေကို နောက်တစ်ကြိမ် ပြစ်မှုကျူးလွန်မှုပါက လက်ရှိပြစ်ဒဏ်အပြင် အရင်ကျန်ရှိပြစ်ဒဏ်တွေပါ ထပ်ပေါင်းကျခံရမယ်လို့ စစ်ကောင်စီ ထုတ်ပြန်ချက်မှာ ဖော်ပြထားပါတယ်။
အကျဉ်းကျခံနေရတဲ့ နိုင်ငံခြားသား/သူ ၁၃ ဦးကိုလည်း လွတ်ငြိမ်းချမ်းသာခွင့်ပေးခဲ့ပြီး ပြည်နှင်ဒဏ်ပါပေးခဲ့ကြောင်း စစ်ကောင်စီရဲ့ ထုတ်ပြန်ချက်မှာ ဖော်ပြထားပါတယ်။
နိုင်ငံတဝန်း စစ်ကောင်စီ ဖမ်းဆီးထားတဲ့ နိုင်ငံရေးအကျဉ်းသား၊ အကျဉ်းသူ ၂၉၀၃၀ ဦးအထိရှိပြီး ၆၈၃၃ ဦး ပြန်လည်လွတ်မြောက်လာပေမဲ့ လက်ရှိအချိန်ထိ မတရားဖမ်းဆီးခံထားရသူ ၂၂၁၉၇ ဦးအထိ ရှိနေဆဲဖြစ်တယ်လို့ နိုင်ငဲရေးအကျဉ်းသားများကူညီသောင့်ရှောက်ရေးအသင်း (AAPP) က ထုတ်ပြန်ထားပါတယ်။
Comments