အိုင်ယာလန်နိုင်ငံ အနောက်တောင်ပိုင်းကရဲတိုက်ကြီးတစ်ခုကို မာ့ခ်ဇူကာဘတ် ဝယ်ယူ

နီသွင်/BVJ_သြဂုတ် ၂၁၊ ၂၀၂၆

Meta ကုမ္ပဏီရဲ့ စီအီးအို မာ့ခ်ဇူကာဘတ်ဟာ အိုင်ယာလန်နိုင်ငံ အရှေ့တောင်ပိုင်းက မြစ်တစ်စင်းကို မျက်နှာမူလျက်ရှိတဲ့ ၁၉ ရာစုလက်ရာ ဂေါ့သစ်ဒီဇိုင်းရဲတိုက်ကြီးကို ဝယ်ယူလိုက်ပါတယ်။

သူ့ကုမ္ပဏီရဲ့ ဥရောပရုံးချုပ်ရှိရာနေရာကနေ ကီလိုမီတာ ၂၀၀ (မိုင် ၁၂၅) အကွာမှာ တည်ရှိပြီး ကြာသပတေးနေ့က ပြောရေးဆိုခွင့်ရှိသူတစ်ဦးက အတည်ပြုပြောကြားခဲ့ပါတယ်။

အစိုးရရဲ့ ဗိသုကာလက်ရာ မှတ်တမ်းတွေအရ စထရန်ကယ်လီရဲတိုက် (Strancally Castle) ကို ဘလက်ဝါတာမြစ်ကို မျှော်ကြည့်လို့ရတဲ့ မြေနေရာပေါ်မှာ ၁၈၃၀ ပြည့်နှစ်ဝန်းကျင်က တည်ဆောက်ခဲ့တာဖြစ်ပြီး ၂၀၀၃ ခုနှစ်မှာတော့ မွမ်းမံပြင်ဆင်မှုအများအပြား လုပ်ခဲ့ပါတယ်။

ဒီအရောင်းအဝယ်ဖြစ်မှုကို အိုင်ယာလန်နိုင်ငံရဲ့ နိုင်ငံတော် ပိုင်ဆိုင်မှုဈေးနှုန်းမှတ်တမ်းမှာတော့ ထည့်သွင်းဖော်ပြထားခြင်း မရှိပါဘူး။ ဒါပေမဲ့ ဒီဝယ်ယူမှုကို ပထမဆုံး သတင်းဖော်ပြခဲ့တဲ့ Irish Times သတင်းစာရဲ့ ခန့်မှန်းချက်အရ ဒီအိမ်ခြံမြေဟာ ယူရို သန်း ၂၀ နဲ့ သန်း ၃၀ ကြား တန်ဖိုးရှိနိုင်တယ်လို့ သိရပါတယ်။

"ဇူကာဘတ်နဲ့ သူ့မိသားစုအနေနဲ့ ဒီသမိုင်းဝင်အိမ်ကြီးကို ဆက်လက်ထိန်းသိမ်းစောင့်ရှောက်သွားရမယ့်အတွက် ဝမ်းသာပီတိဖြစ်ရသလို၊ အိုင်ယာလန်မှာ အချိန်ဖြုန်းဖို့လည်း မျှော်လင့်နေကြပါတယ်" လို့ ဇူကာဘတ်ရဲ့ပြောရေးဆိုခွင့်ရှိသူက ပြောပါတယ်။

အမေရိကန် နည်းပညာကုမ္ပဏီကြီးတွေ အခွန်သက်သာခွင့် အကျိုးခံစားခွင့်တွေကြောင့် ဥရောပရုံးချုပ်တွေကို အခြေစိုက်ဖွင့်လှစ်ထားကြတဲ့ အိုင်ယာလန်နိုင်ငံမှာ Meta ကုမ္ပဏီက ဝန်ထမ်း ၁,၅၀၀ ခန့်ကို ခန့်အပ်လုပ်ကိုင်လျက်ရှိပါတယ်။

ခရက်ဒစ် - Reuters