ရန်ကုန်UGရဲဘော်နှစ်ယောက် ဖမ်းခံရ
- BVJ
- Nov 17
- 1 min read
ယူဂရင်း/BVJ_ နိုဝင်ဘာ ၁၇၊ ၂၀၂၅
Yangon UG People Army -YUPAရဲ့ ရဲဘော်နှစ်ယောက်ဖြစ်တဲ့ ကေစီနဲ့မိုးလေးတို့ ဖမ်းဆီးခံလိုက်ရတယ်လို့ အဖွဲ့က အသိပေးပါတယ်။
မနေ့က နိုဝင်ဘာ ၁၆ရက်မှာဖမ်းခံလိုက်ရတာဖြစ်ပြီး သူတို့နှစ်ယောက်နဲ့ အဆက်အသွယ်ရှိထားသူတွေအနေနဲ့ လုံးဝအဆက်အသွယ်မလုပ်ကြဖို့ကိုလည်း YUPAက ပြောထားပါတယ်။
ဒါ့အပြင် ကျန်တဲ့အဖွဲ့ဝင်တွေလည်းအရေးပေါ်ရွှေ့ပြောင်းလိုက်ရတာကြောင့် အရေးပေါ်ရွှေ့ပြောင်းစားရိတ်လိုအပ်နေလို့လည်း YUPAကထုတ်ပြန်ပါတယ်။
ရန်ကုန်မှာပြီးခဲ့တဲ့ရက်ပိုင်းက ဧည့်စာရင်းအကြောင်းပြပြီး လူငယ်တချို့ကိုဖမ်းဆီးမှုလုပ်နေကြောင်း ရန်ကုန်မြို့ခံတစ်ဦးက Burma VJကိုပြောပါတယ်။
အခုဖမ်းဆီးမှုတွေဟာ ရွေးကောက်ပွဲနီးလာလို့လုပ်ဆောင်တာလည်းဖြစ်နိုင်သလို စစ်တပ်ကစုဆောင်းနေတဲ့ ပြည်သူ့စစ်မှုထမ်းအတွက် လူဖြည့်နေတာလည်းဖြစ်နိုင်တယ်လို့ ရန်ကုန်မှာနေထိုင်သူက ပြောပါတယ်။
Comments