ရေစကြိုမြို့နယ် ငတရော်ရွာ ဗုံးကြဲတိုက်ခိုက်ခံရမှု အမျိုးသမီး သုံးဦးသေဆုံး၊ အများအပြားဒဏ်ရာရ

အေတီ/BVJ - သြဂုတ် ၃၁၊ ၂၀၂၅

ဒီနေ့ သြဂုတ်လ ၃၁ရက်နေ့ နေ့လယ် ၁:၁၅မိနစ်မှာ မကွေးတိုင်း ရေစကြိုမြို့နယ် ‌ရေလယ်ကျွန်း‌‌ဒေသ ငတရော်ရွာကို လေကြောင်းတိုက်ခိုက်ခံရပြီး ဒေသခံအမျိုးသမီး သုံးဦးသေဆုံးကာ အများအပြားထိခိုက် ဒဏ်ရာရရှိခဲ့ပါတယ်။

Info Committee Yesagyo က တယ်လီဂရမ်မှာ ထုတ်ပြန်ထားတဲ့ဓာတ်ပုံတွေထဲမှာ သေဆုံးဒဏ်ရာရတဲ့သူအားလုံးနီးပါးက အမျိူးသမီးတွေဖြစ်နေတာတွေ့ရပါတယ်။

ရေစကြိုမြို့နယ် ငတရော်ကျေးရွာဟာ ၂၀၂၂ခုနှစ်သြဂုတ်လတုန်းကလည်း စစ်အုပ်စုစစ်ကြောင်းထိုးပြီးမီးရှို့ခံထားရတဲ့ ရွာဖြစ်ပါတယ်။

အာဏသိမ်းစစ်အုပ်စုက ရေစကြိုနယ် ရေလယ်ကျွန်းဒေသကကျေးရွာတွေကို လေကြောင်းက ဗုံးကြဲတာ၊ မြေပြင်ကနေစစ်ကြောင်းထိုး မီးရှို့တာနဲ့ ဒေသခံတွေကို ဖမ်းဆီးသတ်ဖြတ်တာတွေ မကြာခဏ ကျူးလွန်လုပ်ဆောင်လေ့ရှိပါတယ်။

ဓာတ်ပုံ_ Info Committee Yesagyo