PDF-Zolandကြားဖြတ်တိုက်ခိုက်မှုအတွင်း ZRA-ECတပ်ဖွဲ့ဝင်တွေအပါ စစ်အုပ်စုဘက်က ၆ ဦး ကျဆုံး
- BVJ
- 1 day ago
- 1 min read
ယူဂရင်း/BVJ_ဇူလိုင် ၂၃၊ ၂၀၂၆
ချင်းပြည်နယ်မြောက်ပိုင်းက ကနေဒီတောင်နဲ့တီးတိန်မြို့ကြားကိုစစ်ကြောင်းထိုးချီတက်လာတဲ့ အာဏာသိမ်းစစ်တပ်စစ်ကြောင်းကို PDF – Zolandတပ်ဖွဲ့က အခုလ ဇူလိုင် ၂၂ရက်မှာကြားဖြတ်တိုက်ခိုက်ခဲတာကြောင့် ၆ ယောက်သေဆုံးခဲ့တယ်လို့ PDF – Zoland ကထုတ်ပြန်ပါတယ်။
ကြားဖြတ်တိုက်ခိုက်မှုအတွင်း စစ်အုပ်စုဘက်က သေဆုံးသူ ၆ယောက်ထဲမှာ Zomi Revolutionary Army (ZRA EC)ကတပ်သား (၃)ယောက်ပါဝင်တယ်လို့လည်း ချင်းကာကွယ်ရေးတပ်ဖွဲ့ ZFU/ PDF Zolandက မနေ့ကဇူလိုင် ၂၂ ရက်ထုတ်ပြန်ချက်မှာပြောထားပါတယ်။
ဒီတိုက်ခိုက်မှုနဲ့ပတ်သက်ပြီး ZFU/ PDF Zolandက"ယခု စစ်ဆင်ရေးသည် PDF Zoland နဲ့ အကြမ်းဖက်စစ်တပ်ကြားမှ တိုက်ပွဲတစ်ခုသာဖြစ်ကြောင်း ပြည်သူများသိရှိစေရန် ထုတ်ပြန်ကြေညာလိုက်ပါသည်"လို့ ဖော်ပြပါတယ်။
ဒီတိုက်ခိုက်မှုအပေါ် ZRA-EC တပ်ဖွဲ့ဝင်တစ်ဦးရဲ့ လူမှုကွန်ရက်စာမျက်နှာမှာတော့ ဇူလိုင်လ ၂၁ ည ၈ နာရီအချိန်မှာ စစ်တပ်နဲ့ ZRA-ECပူးပေါင်းတပ်တို့ရဲ့ကင်းလှည့်ကားကို PDF – Zolandက မြေမြုပ်မိုင်း၊ လက်နက်ကြီး/ငယ်တွေနဲ့ကြားဖြတ်တိုက်ခိုက်ခဲ့တာဖြစ်တယ်လို့ ဖော်ပြပါတယ်။
ကျဆုံးသွားသူတပ်ဖွဲ့ဝင် ၃ ဦးကတော့ မွန်ဂျက်၊ ကေဗီနဲ့ ထန်နိုတို့ဖြစ်တယ်လို့သိရပါတယ်။
ZRA-ECတပ်ဖွဲ့ဟာ စစ်အုပ်စုနဲ့ပူးပေါင်းပြီး ချင်းပြည်နယ်အတွင်းက တွန်းဇံမြို့နဲ့တီးတိန်မြို့အပါအဝင် ချင်းမြောက်ပိုင်းမှာ စစ်ရေး/နိုင်ငံရေးလှုပ်ရှားနေတဲ့အဖွဲ့ဖြစ်တယ်လို့ ချင်းသတင်းဌာနတွေမှာဖော်ပြပါတယ်။
ဓါတ်ပုံ-တိုက်ပွဲအတွင်းကျဆုံးသွားတဲ့ ZRA-ECတပ်ဖွဲ့ဝင် ၃ ဦး။
Comments