ဦးခင်ရီ ပြည်သူ့လွှတ်တော် ဥက္ကဋ္ဌ ဖြစ်လာ

မိုနာ/BVJ_မတ် ၁၆၊ ၂၀၂၆

ဒီနေ့ မတ်လ ၁၆ရက်မနက်ဆယ်နာရီမှာ စစ်အုပ်စုက တတိယအကြိမ် ပြည်သူ့လွှတ်တော် ပထမပုံမှန်အစည်းအဝေးကို နေပြည်တော်မှာစတင်ကျင်းပခဲ့ပြီး စစ်အုပ်စုရွေးကောက်ပွဲအနိုင်ရပြည်သူ့လွှတ်တော်ကိုယ်စားလှယ်တွေက ကတိသစ္စာပြုကြခဲ့ကြသလို ပြည်သူ့လွှတ်တော် ဥက္ကဋ္ဌနဲ့ဒုဥက္ကဋ္ဌတွေ ရွေးချယ်ခဲ့ကြတာပါ။

အရင်ထဲကပြည်သူ့လွှတ်တော်ဥက္ကဋ္ဌဟာ ပြည်ထောင်စုကြံ့ခိုင်ရေးနဲ့ဖွံ့ဖြိုးရေးပါတီ-USDP ဥက္ကဋ္ဌ ဦးခင်ရီဖြစ်လာနိုင်ကြောင်း သတင်းတွေထွက်ပေါ်ခဲ့သလိုပဲ ဇေယျာသီရိမဲဆန္ဒနယ် ပြည်သူ့လွှတ်​တော်ကိုယ်စားလှယ်ဦးခင်ရီဟာ ပြည်သူ့လွှတ်တော် ဥက္ကဋ္ဌဖြစ်လာတာဖြစ်ပါတယ်။

ဒါ့အပြင် ပြည်သူ့လွှတ်တော်ဒုဥက္ကဋ္ဌအဖြစ် စစ်အုပ်စုရဲ့ပြန်ကြားရေးဝန်ကြီး ဦး​မောင်​မောင်အုန်းကို ရွေးချယ်တင်မြှောက်ခဲ့ကြပါတယ်။

ကြံ့ခိုင်ရေးပါတီဟာ စစ်အုပ်စုကကျင်းပခဲ့တဲ့ရွေးကောက်ပွဲ သုံးပိုင်းလုံးမှာ မဲအများဆုံးအနိုင်ရရှိထားတဲ့ ပါတီလည်းဖြစ်ပါတယ်။