ထိုင်းဝန်ကြီးချုပ် ပေထုန်တန်ရှင်နာဝပ် ရာထူးကအပြီးတိုင်ဖယ်ရှားခံရ
- BVJ
- Sep 1
- 1 min read
BVJ/ဂျိုး_ဩဂုတ်၂၉၊ ၂၀၂၅
ကမ္ဘောဒီးယားဝန်ကြီးချုပ်ဟောင်း ဟွန်ဆန်နဲ့ ဖုန်းပြောဆိုခဲ့တဲ့ အသံဖိုင်ပေါက်ကြားပြီးနောက် ဝန်ကြီးချုပ်ရာထူးဆိုင်းငံ့ခံထားရတဲ့ ပေထုန်တန်ရှင်နာဝပ်ကို ဝန်ကြီးချုပ်ရာထူးကနေအပြီးပိုင်ဖယ်ထုတ်ဖို့ ဖွဲ့စည်းပုံအခြေခံဥပဒေဆိုင်ရာတရားရုံးက ဒီကနေ့မှာဆုံးဖြတ်လိုက်တာပါ။
ထိုင်းဝန်ကြီးချုပ်ပေထုန်တန်နဲ့ ကမ္ဘောဒီးယားဝန်ကြီးချုပ်ဟောင်းဟွန်ဆန်တို့ရဲ့ ဆွေးနွေးချက်တွေဟာ အသံဖိုင်မှာဖော်ပြထားသလို ဟွန်ဆန်ရဲ့အကျိူးစီးပွားကို နိုင်ငံတော်အကျိုးထက်ဦးစားပေးထားတာကြောင့် ဝန်ကြီးချုပ်တစ်ဦးရဲ့ကျင့်ဝတ်ကို ချိုးဖောက်ရာရောက်တယ်လို့ ခုံရုံးရဲ့ဆုံးဖြတ်ချက်မှာ ဖော်ပြထားတာလည်းဖြစ်ပါတယ်။
ပေထုန်တန်ရှင်နာဝပ်ကို ကျင့်ဝတ်ဆိုင်ရာစံနှုန်းတွေကိုချိုးဖောက်တယ်လို့စွပ်စွဲပြီးတော့ အထက်လွှတ်တော်အမတ်တချို့ကတင်သွင်းတဲ့ အသနားခံစာကို အခြေခံဥပဒေခုံရုံးကလက်ခံပြီး နောက် ၂၀၂၅ ခုနှစ်၊ ဇူလိုင်လ ၁ ရက်နေ့မှာရာထူးကနေ ဆိုင်းငံ့ထားခဲ့တာပါ။
ပေထုန်တန်ရဲ့ဖခင် သက်ဆင်နဲ့ အဒေါ်ဖြစ်သူ ယင်လတ်တို့ဟာလည်း ထိုင်းဝန်ကြီးချုပ်တာဝန်ထမ်းဆောင်နေရင်း တရားစီရင်ရေး၊စစ်အာဏာသိမ်းမှုတို့နဲ့ ရာထူးကဖြုတ်ချခံခဲ့ရတာဖြစ်ပါတယ်။
၂၀၀၈ခုနှစ်ကစပြီး ပေထုန်တန်အပါအဝင် ထိုင်းဝန်ကြီးချုပ်ငါးဦးကို ထိုင်းဖွဲ့စည်းပုံအခြေခံဥပဒေခုံရုံးက ရာထူးကဖယ်ရှားခဲ့ပါတယ်။
ပေတုန်တန် ဝန်ကြီးချုပ်ရာထူးက ဖယ်ရှားခံရမှုဟာ ဖွေထိုင်းပါတီနဲ့ ဝန်ကြီးချုပ်ဟောင်း သက်ဆက်ရှင်နာဝပ်မျိုးဆက်အတွက် ကြီးမားတဲ့ထိုးနှက်ချက်တစ်ခု ဖြစ်ပါတယ်။
Comments