စစ်ဘေးဒုက္ခသည်တွေကို တရားဝင်အလုပ်လုပ်ကိုင်ခွင့်ပေးတဲ့ထိုင်းအစိုးရကို NUGကျေးဇူးတင်
- BVJ
- Sep 1
- 1 min read
BVJ/ဂျိုး၊ ဩဂုတ် ၂၉၊ ၂၀၂၅
ထိုင်း-မြန်မာနယ်စပ်အတွင်းက ဒုက္ခသည်စခန်းတွေမှာနေထိုင်ကြတဲ့ မြန်မာစစ်ဘေးဒုက္ခသည်တွေကို တရားဝင်အလုပ်လုပ်ကိုင်ခွင့်ပေးလိုက်တဲ့ ထိုင်းအစိုးရကို ကျေးဇူးတင်ကြောင်း အမျိုးသားညီညွတ်ရေးအစိုးရ(NUG)က ပြီးခဲ့တဲ့ ဩဂုတ်လ ၂၇ရက်နေ့က ရေးပို့လိုက်တဲ့သဝဏ်လွှာမှာဖော်ပြပါတယ်။
အဲဒီသဝဏ်လွှာထဲမှာတော့ မြန်မာစစ်ဘေးရှောင်ပြည်သူတွေနဲ့ ရွှေ့ပြောင်းအလုပ်သမားတွေနဲ့ပတ်သက်ပြီးလိုအပ်တဲ့ လူသားချင်းစာနာထောက်ထားမှုဆိုင်ရာအကူအညီတွေကို ထိုင်းနိုင်ငံအစိုးရနဲ့အတူ လက်တွဲလုပ်ဆောင်ဖို့ NUGအနေနဲ့အဆင်သင့်ရှိနေတယ်လို့လည်း NUG နိုင်ငံခြားရေးဝန်ကြီးဌာနက ထုတ်ပြန်ထားပါတယ်။
ထိုင်း-မြန်မာနယ်စပ်ဒုက္ခသည်စခန်း မြန်မာစစ်ဘေးရှောင်တွေကို တရားဝင်အလုပ်လုပ်ကိုင်ခွင့်ပေးမယ်လို့ ထိုင်းအစိုးရက ပြီးခဲ့တဲ့ ဩဂုတ် ၂၆ ရက်မှာထုတ်ပြန်ခဲ့တာပါ။
Comments