သီပေါဗုံးကြဲခံရပြီး တစ်နှစ်ကလေးငယ်အပါအဝင် ၃ ယောက် ထိခိုက်
- BVJ
- Oct 6
- 1 min read
ယူဂရင်း/BVJ_ စက်တင်ဘာ ၆၊ ၂၀၂၅
ရှမ်းပြည်မြောက်ပိုင်း၊ သီပေါမြို့ကို စစ်ကောင်စီတပ်က ဒီနေ့မနက် ၇း၄၂အချိန်မှာ ဂျက်ဖိုက်တာနဲ့ ပေါင်၂၅၀ဗုံးလာကြဲသွားတာကြောင့် တစ်နှစ်ကလေးငယ်အပါအဝင် ၃ဦး ထိမှန်ဒဏ်ရာရခဲ့တယ်လို့ တအာင်းတပ်မတော်-TNLAက ထုတ်ပြန်ပါတယ်။
သီပေါမြို့တွင်းက မိုက်ခရိုဝေ့ပ်ဆက်သွယ်ရေးထဲကိုဗုံးကြဲသွားတာကြောင့် အသက် (၁)နှစ်အရွယ် မောင်ခန့်ညာထွန်း၊ အသက် (၂၃)နှစ်အရွယ် ဦးသောနနဲ့ အသက် (၂၆)နှစ်အရွယ် ဦးပတူးတို့ ထိမှန်ဒဏ်ရာရရှိခဲ့ပြီး နေအိမ်တစ်လုံးလည်းပျက်ဆီးခဲ့တယ်လို့ သိရပါတယ်။
ဒါ့အပြင် ဒီနေ့မနက် ၇း၄၅အချိန်မှာပဲ နမ္မတူမြို့ မြို့မစျေးရပ် ရပ်ကွက်(၂)ကို ဂျက်ဖိုက်တာနဲ့ဗုံးကြဲချသွားတာကြောင့် နေအိမ် (၆) လုံး ထိမှန်ပျက်စီးသွားခဲ့တယ်လို့သိရပါတယ်။
အခုလ ၂ ရက်နေ့ကလည်း နမ္မတူမြို့ကိုဗုံးကြဲခဲ့တာကြောင့် ပြည်သူ (၄)ဦးသေဆုံးပြီး (၅)ဦး ထိခိုက်ဒဏ်ရာရရှိခဲ့ပါသေးတယ်။
ပုံစာ-လေကြောင်းဗုံးကြဲမှုကြောင့် ထိခိုက်ဒဏ်ရာရရှိသွားတဲ့ တစ်နှစ်ကလေးငယ်။(ဓါတ်ပုံ-TNLA)
Comments