မင်းတပ်ကဘော်ဒါဆောင်ဗုံးကြဲခံရပြီး ကျောင်းသားတွေအပါ ၄ ဦးသေဆုံး
- BVJ
- Oct 9
- 1 min read
BVJ/မိုနာ_ အောက်တိုဘာ ၉၊ ၂၀၂၅
မနေ့က အောက်တိုဘာ ၈ရက်ည ၇နာရီအချိန်ခန့်မှာ ချင်းပြည်နယ်၊ မင်းတပ်မြို့ကို စစ်ကောင်စီတပ်က လေကြောင်းဗုံးကြဲခဲ့တာကြောင့် ကျောင်းသား ၃ဦးနဲ့ မသန်စွမ်းအမျိုးသမီး တစ်ဦးတို့ သေဆုံးခဲ့တယ်လို့ CDF-မင်းတပ်က ဒီနေ့နေ့လယ်မှာထုတ်ပြန်ပါတယ်။
ဂျက်ဖိုက်တာနှစ်စီးနဲ့ မင်းတပ်မြို့နယ်၊ တိုက်နယ်(၂)ကျေးရွာရှိ ရွာ နှစ်ရွာကို ညပိုင်း ၆း၅၇/၆း၅၉/၇း၀၃ အချိန်တို့တွင်လေကြောင်းတိုက်ခိုက်မှုပြုလုပ်သွားတာဖြစ်ပြီး တိုက်ခိုက်ခံရမှုအတွင်း ကျေးရွာဘော်ဒါဆောင်မှာပညာသင်ကြားနေတဲ့ ကျောင်းသားတွေသေဆုံးခဲ့ကြရတာဖြစ်တယ်လို့ သိရပါတယ်။
ဒါ့အပြင် ၁၀ဦးကျော် ထိခိုက်ဒဏ်ရာရရှိခဲ့ပြီး စာသင်ဆောင်တွေနဲ့ လူနေအိမ် ၆ လုံးလည်း ထိခိုက်ပျက်ဆီးခဲ့တယ်လို့ CDF-မင်းတပ်က သိရပါတယ်။
Comments