ဌာနကြီးမှူး ၈ ဦးနဲ့အတွင်းရေးမှူးတစ်ဦးပါဝင်တဲ့ မန္တလေးဒေသ ကြားကာလအုပ်ချုပ်ရေးကောင်စီ ဖွဲ့စည်း

အီးကေ/BVJ_နိုဝင်ဘာ ၂၈၊ ၂၀၂၅

ဓာတ်ပုံ- Aye Myint Aung Aung facebook

ဌာနကြီးမှူး ၈ ဦး၊ အတွင်းရေးမှူးတစ်ဦးပါဝင်တဲ့ မန္တလေးဒေသကြားကာလအုပ်ချုပ်ရေးကောင်စီဖွဲ့စည်းကြောင်း ဒီနေ့သတင်းထုတ်ပြန်ပါတယ်။

အုပ်ချုပ်ရေးဌာန၊ ကာကွယ်ရေးနဲ့လုံခြုံရေးဌာန၊ ဘဏ္ဍာရေးနဲ့အခွန်နဲ့သဘာဝသယံဇာတ စီမံခန့်ခွဲရေးဌာန၊ ပညာရေးဌာန၊ လူငယ် အမျိုးသမီးနဲ့ ကလေးသူငယ်ရေးရာဌာန၊ လူသားချင်းစာနာကူညီရေးနဲ့ အရေးပေါ်ဆိုင်ရာ စီမံခန့်ခွဲရေးဌာန၊ ကျန်းမာရေးဌာနဆိုပြီး ဌာနကြီး ၈ခုဖွဲ့စည်းထားတာတွေ့ရပါတယ်။

ဒီဖွဲ့စည်းတာဝန်ပေးခံရမှုနဲ့ပတ်သက်ပြီး သူ့အနေနဲ့ တာဝန်ယူမှု၊တာဝန်ခံမှုရှိရှိ လုပ်ဆောင်သွားမယ်လို့ လူသားချင်းစာနာမှုကူညီရေးနှင့်အရေးပေါ်ဆိုင်ရာစီမံခန့်ခွဲရေးဌာန ဌာနကြီးမှူးအဖြစ်တာဝန်ပေးအပ်ခံရတဲ့ နိုင်ငံရေးတက်ကြွလှုပ်ရှားသူ ဒေါ်အေးမြင့်အောင်အောင်က သူ့ရဲ့ဆိုရှယ်မီဒီယာစာမျက်နှာကတဆင့် အခုလိုပြောပါတယ်။

“မန္တလေးဒေသ ကြားကာလအုပ်ချုပ်ရေးကောင်စီမှာ လူသားစာနာလုပ်ငန်းတွေ ဆောင်ရွက်နိုင်ဖို့တာဝန်ပေးအပ်ခံရပါတယ်။ ဒီကနေ့ကစလို့ (၂)နှစ်တိတိ တာဝန်ယူမှု တာဝန်ခံမှုရှိရှိအလုပ်လုပ်သွားပါမယ်လို့ ကတိပေးပါတယ်။ တဖက်မှာလည်း ဝေဖန်အကြံပြုမှုတွေကိုလည်း စောင့်မျှော်ကြိုဆိုပါတယ်”

မန္တလေးဒေသကြားကာလနိုင်ငံရေးအစီအမံ ပုဒ်မ (၇၅)အရ ကောင်စီကို အောက်ပါအတိုင်းဖွဲ့စည်းတာဝန်ပေးခဲ့တာဖြစ်ကြောင်း ထုတ်ပြန်ချက်ထဲမှာ ဖော်ပြထားပါတယ်။