စစ်ကောင်စီစစ်ကြောင်းထိုးတိုက်ခိုက်လာတာကြောင့်လွိုင်ကော် - ဒီးမော့ဆို -ဖရူဆိုလမ်းမကြီးကို KNDF ပိတ်
- BVJ
- Aug 11
- 1 min read
BVJ/ ဂျိုး_ဩဂုတ် ၁၀၊ ၂၀၂၅
ကရင်နီပြည်၊လွိုင်ကော်- ဒီးမော့ဆို - ဖရူဆို လမ်းမကြီးဖြတ်သန်းသွားလာခွင့်ကို ဒီနေ့ ဩဂုတ်လ ၁၀ရက်ကစပြီးတော့ ရက်အကန့်အသတ်မရှိပိတ်လိုက်တယ်လို့ ကရင်နီအမျိုးသားကာကွယ်ရေး တပ်ဖွဲ့- KNDFက ဒီနေ့ထုတ်ပြန်ပါတယ်။
ဒီရက်ပိုင်းအတွင်းမှာပဲစစ်ကောင်စီတပ်က ဒီးမော့ဆိုမြို့အတွင်းကိုစစ်ကြောင်းထိုး လှုပ်ရှားမှုတွေရှိလာတာကြောင့် စစ်ကောင်စီနဲ့တော်လှန်ရေးတပ်တွေကြား ထိတွေ့တိုက်ပွဲတွေပြင်းထန်နေတာပါ။
ဒါ့အပြင် ဖရူဆိုမြို့နယ်အခြေစိုက် စစ်ကောင်စီတပ်တွေကလည်း ဒီးမော့ဆို-ဖရူဆို လမ်းတလျှောက်ကို လက်နက်ကြီးတွေနဲ့ပစ်ခတ်နေတာကြောင့် လမ်းပိတ်လိုက်ရတာဖြစ်တယ်လို့ ထုတ်ပြန်ချက်မှာဖော်ပြထားပါတယ်။
အာဏာသိမ်းစစ်ကောင်စီဟာ တော်လှန်ရေးတပ်ဖွဲ့တွေဆီမှာ လက်လွှတ်ဆုံးရှုံးထားရတဲ့နယ်မြေတွေကိုပြန်ရရှိရေးအတွက် မြေမြင်ထိုးစစ်ဆင်တာတွေနဲ့ လေကြောင်းဗုံးကြဲလက်နက်ကြီးပစ်ခတ်တာတွေကို တိုင်းနဲ့ပြည်နယ်အနှံ့မှာ နေ့တိုင်းလိုလိုတိုးမြှင့်လုပ်ဆောင်နေတာကြောင့် အရပ်သားထိခိုက်သေဆုံးမှုတွေလည်း တိုးလာနေပါတယ်။
Comments