ကျောက်တော်ဗုံးကြဲခံရပြီး အမျိုးသမီး ၅ဦးနဲ့ အမျိုးသား ၁ ဦးသေဆုံး
- BVJ
- 3 days ago
- 1 min read
BVJ/ဂျိုး_နိုဝင်ဘာ ၂၈၊ ၂၀၂၅
ရခိုင်ပြည်နယ်မြောက်ပိုင်း ကျောက်တော်မြို့နယ်ကို ဒီကနေ့ မနက်ပိုင်း ၁၁နာရီလောက်မှာ စစ်အုပ်စုက လေကြောင်းဗုံးကြဲတိုက်ခိုက်ခဲ့တာကြောင့် အရပ်သား ၆ဦး ထက်မနည်းသေဆုံးပြီးတော့ ၁၀ကျော်ထိခိုက်ဒဏ်ရာရရှိခဲ့တယ်လို့ ဒေသခံတွေကပြောပါတယ်။
စစ်အုပ်စုဟာ ကျောက်တော်မြို့ ကြောင်ဖိုရွာနဲ့ ကန်စောက်တောင်အနီးအနားကို ဂျက်ဖိုက်တာနဲ့ပေါင် ၅၀၀ဗုံးကို လာကြဲချခဲ့တာဖြစ်တယ်လို့သိရပါတယ်။
အခုလိုဗုံးကြဲချခဲ့တာကြောင့် ကြောင်ဖိုကျေးရွာက အမျိုးသမီး ၅ ဦးနဲ့ အမျိုးသား ၁ ဦးသေဆုံးခဲ့ပြီး ၁၀ ဦးထက်မနည်း ထိခိုက်ဒဏ်ရာရရှိခဲ့သလို လူနေအိမ် ၄ ဆောင်ပျက်စီးသွားတယ်လို့လည်း ရခိုင်ဒေသတွင်းအခြေအနေတွေကို ဖော်ပြနေတဲ့APMသတင်းမှာဖော်ြပထားပါတယ်။
ထိခိုက်သေဆုံး၊ဒဏ်ရာရသူတွေထဲမှာ ကလေးငယ်တွေလည်းပါဝင်တယ်လို့ စုံစမ်းသိရှိရပါတယ်။
Comments