ကျောက်တော်ဗုံးကြဲခံရမှုအတွင်း ဒဏ်ရာရသူထဲက ကျောင်းသား ၅ဦး ထပ်မံသေဆုံး၊ သေဆုံးသူ ၂၃ ဦးအထိရှိလာ
- BVJ
- Sep 12
- 1 min read
BVJ/ဂျိုး_စက်တင်ဘာ ၁၂၊ ၂၀၂၅
ရခိုင်ပြည်နယ်၊ ကျောက်တော်မြို့နယ်ထဲက သရက်တပင်ကျေးရွာကို ဗုံးကြဲခံရမှုအတွင်း ထိခိုက်ဒဏ်ရာရရှိသူတွေထဲက နောက်ထပ် ၅ ဦးထပ်မံသေဆုံးသွားတာကြောင့် သေဆုံးသူ ၂၃ ဦးအထိရှိလာပြီလို့ ဒေသခံတွေဆီက သိရပါတယ်။
ဒီနေ့ စက်တင်ဘာ ၁၂ ရက်၊ မနက်တစ်နာရီကျော်လောက်မှာ သရက်တပင်ကျေးရွာရှိ ပညာပျိုးခင်း ကိုယ်ပိုင်စာသင်ကျောင်းကို စစ်ကောင်စီက ဂျက်လေယာဉ်နဲ့ ပေါင် ၂၀၀ ဗုံးနှစ်လုံးကြဲချခဲ့တာဖြစ်ပြီး ကျောင်းသူ/ကျောင်းသားနဲ့ ကလေးငယ်တွေအပါအဝင် အရပ်သား ၁၈ ဦးပွဲချင်းပြီးသေဆုံးခဲ့သလို ၂၀ကျော် ဒဏ်ရာရရှိခဲ့တာပါ။
လက်ရှိမှာ ဒဏ်ရာရသူထဲက ကျောင်းသားကလေး ၅ ဦးထပ်မံသေဆုံးသွားတာကြောင့် သေဆုံးသူ ၂၃ ဦးအထိ ရှိလာတာလည်းဖြစ်ပါတယ်။
ကျောက်တော်မြို့နယ်ဟာ အာရက္ခတပ်တော်-AAထိန်းချုပ်ထားတဲ့ ၁၄မြို့နယ်ထဲမှာပါဝင်ပြီး အာဏာသိမ်းစစ်ကောင်စီဟာ ရခိုင်ပြည်နယ်အတွင်း မကြာခဏဆိုသလို ဗုံးကြဲတိုက်ခိုက်မှုတွေလုပ်နေတာပါ။
ပုံစာ -ကျောက်တော်ဗုံးကြဲခံရမှုအတွင်း သေဆုံးသွားသူတွေ
ဓာတ်ပုံ-APM
Comments