ဘုံတိုရွာဗုံးကြဲခံရမှုကြောင့် ကျဆုံးခဲ့တဲ့ BLDFတပ်ဖွဲ့ တာဝန်ခံစျာပန ကျင်းပ
- BVJ
- Oct 13
- 1 min read
အေတီ/BVJ_အောက်တိုဘာ ၁၁၊ ၂၀၂၅
၂၀၂၅ခုနှစ် အောက်တိုဘာလ ၆ရက် သီတင်းကျွတ်လပြည့်နေ့မှာ စစ်ကိုင်းတိုင်း ချောင်ဦးမြို့နယ် ဘုံတိုရွာလေကြောင်းတိုက်ခိုက်ခံမှုကြောင့် ကျဆုံးသွားတဲ့ BLDFတပ်ဖွဲ့ရဲ့တာဝန်ခံ ဘုန်းမြင့်ဇော် (ခ)တည်ကြည်ရဲ့ဈာပနအခမ်းအနားကို မနေ့ကကျင်းပခဲ့ပါတယ်။
ဗမာလွတ်မြောက်ရေးဒီမိုကရက်တစ်တပ်ဦး (BLDF)တပ်ဖွဲ့ စစ်ဒေသ(၃)တာဝန်ခံ ရဲဘော်ဘုန်းမြင့်ဇော်(ခ)ရဲဘော်တည်ကြည်ရဲ့ဈာပနအခမ်းအနားကို ဗမာလွတ်မြောက်ရေးဒီမိုကရက်တစ်တပ်ဦး အခြေစိုက်ရာဒေသတွင်းမှာ အောက်တိုဘာလ ၁၀ ရက်နေ့က ကျင်းပပြုလုပ်ခဲ့တာဖြစ်ပါတယ်။
လေကြောင်းတိုက်ခိုက်ခံရမှုအတွင်း ရဲဘော်တည်ကြည်ဒဏ်ရာအပြင်းအထန်ရခဲ့ပြီးနောက် သူအသက်ရှင်ရေးအတွက် အတတ်နိုင်ဆုံးကြိုးစားကုသခဲ့ကြပေမယ့် အောက်တိုဘာလ ၉ ရက်နေ့၊ မနက် သုံးနာရီအချိန်မှာကျဆုံးသွားခဲ့ပါတယ်။
သီတင်းကျွတ်လပြည့်ည ဆီမီးပူဇော်ပွဲကို အာဏာသိမ်းစစ်အုပ်စုက ပါရာမော်တာစက်တပ်လေထီးနဲ့လေကြောင်းကတိုက်ခိုက်ခဲ့တာကြောင့် ကလေးငယ်တွေအပါအဝင် အရပ်သား အနည်းဆုံး၂၅ ဦးသေဆုံးခဲ့ပြီး ၆၀ကျော်ဒဏ်ရာရရှိခဲ့တာဖြစ်ပါတယ်။
ခရက်ဒစ်- Burma Liberation Democratic Front - BLDF
Comments