ဘုတလင်လေကြောင်းဗုံးကြဲခံရပြီး အမျိုးသမီး ၆ ဦးသေဆုံး
1 day ago
1 min read
BVJ_အောက်တိုဘာ ၂၁၊ ၂၀၂၆
စစ်ကိုင်းတိုင်း၊ဘုတလင်မြို့နယ်ကို မနေ့က အောက်တိုဘာ ၂၀ရက် နေ့လယ်ပိုင်းမှာ စစ်တပ်ကလေကြောင်းကနေဗုံးကြဲချခဲ့တာကြောင့် အမျိုးသမီး ၆ ဦးသေဆုံးခဲ့တယ်လို့ ဒေသတွင်းကသိရပါတယ်။
မုံရွာ၊နမခကနေတက်လာတဲ့ ဂျိုင်ရိုကော်ပတာတစ်စီးဟာ ဘုတလင်မြို့နယ်၊ကွမ်းခြံကျေးရွာကို နေ့လယ် ၂ နာရီ ၃၀ မိနစ်ခန့်မှာ လေကြောင်းကနေဗုံးကြဲတိုက်ခိုက်မှုပြုလုပ်ခဲ့တာကြောင့် ရွာထဲက အမျိုးသမီး ၆ ဦးထိမှန်သေဆုံးခဲ့တာဖြစ်တယ်လို့ ဒေသခံကပြောပါတယ်။
ဒါ့အပြင် အဲ့ဒီတိုက်ခိုက်မှုအတွင်းမှာ ရွာထဲကနေအိမ်နှစ်လုံးလည်း မီးလောင်ပျက်စီးခဲ့တယ်လို့သိရပါတယ်။
ဓါတ်ပုံ-ဘုတလင်၊ကွမ်းခြံကျေးရွာကို လေကြောင်းဗုံးကြဲပြီးနောက်မြင်တွေ့ရပုံ
Comments