ပြည်သူ့ဆန္ဒအမြန်ဆုံးပြည့်ဝရေးအတွက် ကြိုးစားရုန်းကန်တိုက်ပွဲဝင်သွားကြဖို့ အေအေတပ်မှူးချုပ် တိုက်တွန်း
ယူဂရင်း/BVJ_နိုဝင်ဘာ ၉၊ ၂၀၂၆
နိုဝင်ဘာ ၇ရက်မှာကျရောက်တဲ့ ၄၈ နှစ်မြောက်မွေးနေ့အတွက် ဆုတောင်းပေးကြသူတွေကို ရခိုင်အမျိုးသားအဖွဲ့ချုပ်-ULA ဥက္ကဌ၊အာရက္ခတပ်တော်-AAရဲ့ တပ်မှူးချုပ် ဗိုလ်ချုပ်ထွန်းမြတ်နိုင်က အထူးကျေးဇူးတင်ကြောင်း ပြောလာပါတယ်။
ဗိုလ်ချုပ်ထွန်းမြတ်နိုင်ရဲ့ ကျေးဇူးတင်လွှာထဲမှာ မွေးနေ့ဆုတောင်းပေးကြတဲ့ သက်ဆိုင်ရာအဖွဲ့အစည်း၊လူပုဂ္ဂိုလ်တယောက်ချင်းစီတိုင်းကိုလည်း ကျန်းမာ၊လုံခြုံ၊ ဘေးကင်းကြစေဖို့ ပြန်လည်ဆုတောင်းမေတ္တာပို့ပေးထားပြီး မြန်မာပြည်သူလူထုရဲ့ မျှော်လင့်ချက်၊ ဆန္ဒတွေ အမြန်ဆုံးပြည့်ဝစေဖို့ အလျော့မပေးတဲ့ ဇွဲလုံ့လ၊မရပ်မတန့်တဲ့ ကြိုးစားအားထုတ်မှုတွေနဲ့ ဆက်လက်ကြိုးစားရုန်းကန် တိုက်ပွဲဝင်သွားကြဖို့ ဆိုပြီး တိုက်တွန်းလာတာပါ။
ဗိုလ်ချုပ်ထွန်းမြတ်နိုင်ရဲ့မွေးနေ့ကို ကချင်လွတ်လပ်ရေးအဖွဲ့/ ကချင်လွတ်လပ်ရေးတပ်မတော် (KIO/KIA)ခေါင်းဆောင်တစ်ဦးဖြစ်တဲ့ ဒုဗိုလ်ချုပ်ကြီးဂွန်မော်၊ ဗမာပြည်သူ့လွတ်မြောက်ရေးတပ်တော် (BPLA)ကွပ်ကဲရေးမှူး မောင်ဆောင်းခ၊ ပြည်သူ့တော်လှန်ရေးမဟာမိတ်အင်အားစု (PRA-Magway) ၊ဗမာ့တပ်တော် (Bamar Army) စတဲ့ တော်လှန်ရေးအင်အားစုအသီးသီးက ဆုတောင်းစကားနဲ့သဝဏ်လွှာတွေ ဖော်ပြခဲ့ကြပါတယ်။
Comments