"ဟိုရောက်သွားရင် ကျနော့်ထွက်ဆိုချက်ကိုပေးရမှာ။ ဒီ ၅၆ယောက်က ဘာကြောင့်လက်နက်ချ အညံ့ခံလိုက်တာလဲဆိုတာ။ကျနော်ခုံရုံးတင်စစ်ခံရမှာ"
- BVJ
- Jan 29
- 1 min read
BVJ_ ဇန်နဝါရီ ၂၉၊ ၂၀၂၆
ထိုင်းအာဏာပိုင်တွေက အခုလ ဇန်နဝါရီ ၂၇ရက်မှာ မြန်မာဘက်ပြန်လွှဲပေးလိုက်တဲ့စစ်သုံ့ပန်းတွေထဲမှာ ရာထူးအကြီးဆုံးဖြစ်တဲ့ ဒုဗိုလ်မှူးကြီး ရဲမင်းဌေးလည်းပါဝင်တယ်လို့ ကရင်နီတပ်မှူးတစ်ဦးက အတည်ပြုပါတယ်။
ဒုတိယဗိုလ်မှူးကြီး ရဲမင်းဌေးအပါအဝင် အင်အားငါးဆယ်ကျော်ပါစစ်အုပ်စု တပ်ရင်းဟာ ၂၀၂၄ခုနှစ်၊အောက်တိုဘာလက ဖားဆောင်းတိုက်ပွဲမှာအဖမ်းခံခဲ့ရပြီး သူတို့ကိုဖမ်းဆီးချုပ်နှောင်ထားတဲ့ ကရင်နီအကျဥ်းစခန်းကနေ ၂၀၂၆ခုနှစ် ဇန်နဝါရီ ၁၈ရက်နေ့မှာ ထွက်ပြေးလွတ်မြောက်သွားပါတယ်။
BVJအဖွဲ့သားကိုအောင်ကြီးဟာ ၂၀၂၅ခုနှစ်အတွင်းက ကရင်နီအကျဥ်းစခန်းရောက်ရှိခဲ့ချိန်က စစ်သုံ့ပန်းဒုတိယဗိုလ်မှူးကြီး ရဲမင်းဌေးနဲ့ တွေ့ဆုံမေးမြန်းခဲ့ပါတယ်။
အခုအင်တာဗျူးထဲမှာ အာဏာသိမ်းစစ်ခေါင်းဆောင် ဗိုလ်ချုပ်မှူးကြီးမင်းအောင်လှိုင်ဦးဆောင်တဲ့စစ်တပ်ရဲ့အခြေအနေကို စစ်သုံ့ပန်းအဖြစ်ဖမ်းဆီးခံနေရတုန်းက ဒုတိယဗိုလ်မှူးကြီး ရဲမင်းဌေးကပြောထားတဲ့သဘောထားကိုတွေ့နိုင်ပါတယ်။
တိုက်ပွဲမှာလက်နက်ချအဖမ်းခံလိုက်တဲ့အတွက် စစ်အုပ်စုလက်ထဲပြန်ရောက်သွားရင် သူဟာစစ်ခုံရုံးတင်စစ်ဆေးခံရပြီး အရေးယူခံရနိုင်ဖွယ်ရှိတယ်လို့လည်း ဒုတိယဗိုလ်မှူးကြီး ရဲမင်းဌေးက ထုတ်ပြောထားပါတယ်။
အင်တာဗျူးအပြည့်အစုံကို ဒီလင့် https://www.youtube.com/watch?v=s2KPiMQ-sOM ကို နှိပ်ပြီး ကြည့်ရှုနိုင်ပါတယ်။
Burma VJရဲ့ ယူကျူ့ချန်နယ်ကို subscribeလုပ်ပေးခဲ့ဖို့လည်း တောင်းဆိုပါရစေ...
Comments