UFCကမ္ဘာ့ချန်ပီယံ Joshua Van မလေးရှားရောက်ပြီ

BVJ_မေ ၂၅၊ ၂၀၂၆

UFC ဖလိုင်းဝိတ်တန်းကမ္ဘာ့ချန်ပီယံ ချင်းဖိုက်တာ Joshua Vanဟာ မလေးရှားနိုင်ငံ၊ကွာလာလမ်ပူလေဆိပ်ကို ဒီနေ့ညနေပိုင်းမှာရောက်ရှိလာပါတယ်။

မလေးရှားနိုင်ငံကို အဆိုတော်ဖြူဖြူကျော်သိန်းလည်းရှောက်ရှိနေပြီး ဒီနေ့ည ကျင်းပမယ့် ကွာလာလမ်ပူမြို့ ICC Pudu, Hallခန်းမမှာ Joshua Vanနဲ့ ဖြူဖြူကျော်သိန်းတို့ရဲ့ အထူးပရိတ်သတ်တွေ့ဆုံပွဲရှိတယ်လို့သိရပါတယ်။

မေလ ၂၇ ရက်နေ့မှာကျင်းပပြုလုပ်မယ့် မလေးရှား Chin Refugee Committee -CRC ၂၅ နှစ်ပြည့် ငွေရတုအထိမ်းအမှတ်အခမ်းအနားမှာ ကမ္ဘာကျော်ချင်းဖိုက်တာ Joshua Vanဟာ အထူးဧည့်သည်တော်အဖြစ် တက်ရောက်မှာဖြစ်ပါတယ်။

မလေးရှားနိုင်ငံဟာ အမေရိကန်ကိုအခြေမချခင်မှာ Joshua Vanက ဒုက္ခသည်အဖြစ်နေထိုင်ခဲ့တဲ့နိုင်ငံဖြစ်ပြီး ပထမဆုံးအကြိမ်အဖြစ်ပြန်လည်ရောက်ရှိလာတာဖြစ်ပါတယ်။ ချင်းဖိုက်တာ Joshua Vanဟာမလေးရှားနိုင်ငံအပြင် ထိုင်းနိုင်ငံနဲ့အိန္ဒိယနိုင်ငံ မီဇိုရမ်ပြည်နယ်ကို သွားရောက်ဖို့ရှိတယ်လို့လည်း သိရပါတယ်။

https://video.wixstatic.com/video/494151_46ffc5fd0555467e9b4442b9818a1ae9/720p/mp4/file.mp4

ခရက်ဒစ် - The Voice of Chinland - VOC