ဆွီဒင်ကို ခြေစွမ်းအသာဂိုးပြတ်နဲ့ ပြင်သစ်အနိုင်ယူ
- BVJ
- Jul 1
- 1 min read
ပြင်သစ် ၃-၀ ဆွီဒင်
ဗိုလ်စွဲဖို့ရေပန်းစားနေတဲ့ပြင်သစ်အသင်းက ဆွီဒင်အသင်းကို ခြေစွမ်းအသာဂိုးပြတ်နဲ့အနိုင်ယူပြီး နောက်တဆင့်တက်သွားပြီဖြစ်ပါတယ်။ လူတစ်ဦးချင်းရော အသင်းလိုက်ပါအားသာတဲ့ ပြင်သစ်အသင်းဟာပွဲစကတည်းကဘောလုံးပိုင်ဆိုင်မှုအသာနဲ့ ဆွီဒင်ကစားကွက်ကိုထိန်းချုပ်နိုင်ခဲ့ပါတယ်။
ပြင်သစ်အသင်းရဲ့တစ်ဦးချင်းခြေစွမ်း၊ အလယ်တန်းနဲ့တိုက်စစ်ပိုင်း အချိတ်အဆက်မိမှုဟာ ဆွီဒင်ခံစစ်ကိုအဆက်မပြတ်ဖိအားပေးနိုင်ခဲ့ပါတယ်။ ပထမပိုင်း ၃၆ မိနစ်မှာ မိုက်ကယ်အိုလီဆေးရဲ့လှပတဲ့ Scissor Kick ကန်သွင်းချက်တိုင်ထိပြီးထွက်သွားတာအပါအဝင် ပြင်သစ်အသင်းဂိုးရဖို့အခွင့်အရေးအနည်းဆုံးလေးကြိမ်လောက် လက်လွှတ်ခဲ့ရပါတယ်။
ပြင်သစ်အသင်းအတွက်အဖွင့်ဂိုးကို အမ်ဘာပေက ပထမပိုင်း ၄၅မိနစ်မှာသွင်းယူခဲ့ပြီး၊ ဒုတိယဂိုးကို ပီအက်စ်ဂျီကစားသမားဘာကိုလာက ၅၃မိနစ်မှာသွင်းယူပေးခဲ့ပါတယ်။ ဘာကိုလာသွင်းတဲ့ဂိုးအပြင် ၇၄မိနစ်မှာ အမ်ဘာပါပေသွင်းတဲ့ဂိုး ကိုပါ မိုက်ကယ်အိုလီဆေးတစ်ဦးတည်းက ဖန်တီးပေးခဲ့တာဖြစ်ပါတယ်။
အမ်ဘာပေဟာ အခုပွဲမှာနှစ်ဂိုးသွင်းနိုင်ခဲ့တဲ့အတွက် လီယွန်နယ်မက်ဆီနဲ့အတူ သွင်းဂိုး(၆)ဂိုးစီတူညီသွားပါပြီ။ လာမယ့်စနေနေ့ ၁၆ သင်းအဆင့်မှာ ပြင်သစ်အသင်းက ပါရာဂွိုင်းအသင်းနဲ့ကစားရမှာဖြစ်ပါတယ်။
Comments