LGBT စာရေးဆရာမ စောဟန်နွေဦး ကွယ်လွန်

BVJ
Mar 19
1 min read

BVJ/ယူဂရင်း_ မတ် ၁၀၊ ၂၀၂၅

၂၀၂၅ မတ်၁၀ရက်က စောဟန်နွေဦး(ခ)အစောရဲ့ ဈာပနပြုလုပ်နေပုံ

စစ်အာဏာရှင်တော်လှန်ရေးမှာ တက်ကြွစွာပါဝင်ခဲ့တဲ့ LGBT စာရေးဆရာမ စောဟန်နွေဦးဟာ မနေ့က မတ်လ ၉ ရက်နေ့ ညပိုင်းက ထိုင်းနိုင်ငံ၊ မဲဆောက်မြို့မှာ ကွယ်လွန်သွားခဲ့ပါတယ်။

နိုင်ငံရေးအကျဉ်းသားဟောင်းတစ်ဦးလည်းဖြစ်တဲ့ အသက် ၂၈ နှစ်အရွယ် စောဟန်နွေဦးဟာ ကျောက်ကပ်၊လေဖြတ်စတဲ့ရောဂါတွေကို ချင်းမိုင်နဲ့ မဲဆောက်မြို့ရှိ မယ်တော်ဆေးခန်းမှာ ကုသမှုခံယူရင်း ကွယ်လွန်ခဲ့တာပါ။

စောဟန်နွေဦး(ခ)နော်ဟဲနေထူးရဲ့ စျာပနကို မဲဆောက်ရှိ ဝပ်မုတ်ကထန်သုဿန်မှာ ဒီနေ့ နေ့လယ် ၂ နာရီမှာပြုလုပ်သွားမယ်လို့ သူရဲ့မိတ်ဆွေတွေဆီက သိရပါတယ်။

စောဟန်နွေဦးဟာ LGBTအရေးလှုပ်ရှားသူတစ်ယောက်ဖြစ်သလို နွေဦးတော်လှန်ရေးမှာလည်း စစ်ကောင်စီကိုဆန့်ကျင်တော်လှန်မှုမှာပါဝင်ခဲ့တာကြောင့် စစ်ကောင်စီကဖမ်းဆီးကာ ၅၀၅-ကနဲ့ အမှုဖွင့်တရားစွဲဆိုခံခဲ့ရပြီး ၂၀၂၁ခုနှစ် အောက်တိုဘာမှာ လွတ်ငြိမ်းသက်သာခွင့်နဲ့ ပြန်လည်လွတ်မြောက်လာပါတယ်။

ပြန်လွတ်လာပြီးနောက်ပိုင်း လွတ်မြောက်နယ်မြေကိုတိမ်းရှောင်ကာ တော်လှန်ရေးမှာပြန်လည်ပါဝင် လှုပ်ရှားခဲ့သူတစ်ဦးဖြစ်ပါတယ်။