လုံခြုံရေးကြပ်တဲ့ ရန်ကုန်မှာ နှစ်ငါးလုံးနေ့လှုပ်ရှားမှု ပြုလုပ်

BVJ_ဖေဖော်ဝါရီ ၂၂၊ ၂၀၂၅

ဓါတ်ပုံ-စမ်းချောင်းပင်မသပိတ်စစ်ကြောင်း

ရန်ကုန်မှာ စစ်ကောင်စီကလုံခြုံရေးတင်းကြပ်ထားတဲ့ကြားကနေ နှစ်ငါးလုံးနေ့လှုပ်ရှားမှုကို ရန်ကုန်တော်လှန်လူငယ်တွေက ဒီနေ့ ဖေဖော်ဝါရီ ၂၂ရက်မှာ ပြုလုပ်ခဲ့ကြပါတယ်။

“ငုံ့မခံနဲ့တုံ့ပြန်၊ အံတုတွန်းလှန် ဖက်ဆစ်ဒဏ်” စာသားနဲ့ စစ်အာဏာရှင်ဆန့်ကျင်ရေးလှုပ်ရှားမှုကို ရန်ကုန်တော်လှန်လူငယ်တွေက ပြုလုပ်ခဲ့ကြတာပါ။

ပြည်သူတွေကိုနည်းမျိုးစုံနဲ့ဖိနှိပ်နေတာတွေကို ခေါင်းငုံ့ခံမနေဘဲ တော်လှန်ခြင်းနည်းလမ်းနဲ့ တုံ့ပြန်ကြဖို့နဲ့ အထွေထွေဖိနှိပ်ခံရမှုတွေကို အံ့တုတွန်းလှန်ရင်း အာဏာသိမ်းစစ်တပ် ကိုအမြစ်ပြတ်တဲ့အထိ ဆက်လက်တော်လှန်ကြဖို့ကိုလည်း တော်လှန်လူငယ်တွေက သတင်းစကားပါးထားပါတယ်။

အဲ့ဒီလှုပ်ရှားမှုကို စမ်းချောင်းပင်မသပိတ်စစ်ကြောင်း၊ Yangon4Brothers ၊ Mayangone Democratic Frontနဲ့ Linn Yaung Ni Youth Organization တို့က ပူးပေါင်းလုပ်ဆောင်ခဲ့ကြတာလို့သိရပါတယ်။